"Валенсия"нинг собиқ бош мураббийи Пако Ройг жамоанинг собиқ устози Гари Невиллни футбол тарихидаги энг ёмон мураббий деб атади.

"МЮ"нинг собиқ ўйинчиси 2015 йилнинг декабрида "Валенсия" бош мураббийи этиб тайинланди. Унда бунгача мураббийлик тажрибаси бўлмаган, футболчилик фаолиятидан сўнг телевидениеда эксперт бўлиб ишлаб келаётган эди. Невилл 2016 йилнинг март ойида истеъфога чиқарилди, унинг қўл остида "кўршапалаклар" 16 учрашувнинг 3тасида ғалаба қозонганлар.

"Шундан сўнг "Валенсия"нинг ҳозирги раҳбарияти ҳақида нима дейиш мумкин?! Невиллдай ҳаваскор келлди ва футбол тарихида энг ёмон мураббий бўлиб қолди. Бунақасини кўрмаганман", - дейди Ройг.