Тошкент вилоятининг Чирчиқ шаҳрида янги мавсум тайёргарлигини кўраётган Бекободнинг “Металлург” жамоаси бугун “Кимёгар” стадионида ўзаро ўйин ўтказди.   Асосий ва ёшлар таркибларининг уйғунлиги остида ташкил этилган учрашувда томонлар муросага келишишди. Биринчи таймда ҳисоб очилмаган бўлса, иккинчи бўлим аввалида “яшиллар” эркин жарима зарбасидан унумли фойдаланишди. “Қизиллар” дарвозасига голни 17 ёшли Арам Маркарян киритди. Алвон ранглилар эса ўйин якунига етиш арафасида пенальтидан ҳисобни тенглаштиришди. Жарима зарбасини Дилмурод Каримов бехато амалга оширди – 1:1.   Ўзаро ўйинда “Металлург” таркибида кўрикдан ўтаётган бир қатор янги ўйинчилар орасида жамоанинг собиқ ўйинчиларини ҳам кўриш мумкин.   Энди “Металлург” пойтахтда машғулот ўтказаётган олий лига вакиллари билан назорат синов учрашувларида куч синашади. Дастлабки рақиблар Фарғона вилояти жамоалари бўлади. 14 январь куни “Қўқон 1912”, 18 январда эса “Нефтчи” жамоалари билан куч синашишга келишиб олинган.   Бугун бўлиб ўтган ўзаро учрашувда жамоалар қуйидаги таркибларда майдонга чиқишди: “Яшиллар”:Суҳроб Султонов, Зоҳид Раупов, Камронбек Копадзе, Жасур Аҳмедов, Даврон Каримқулов, Алишер Зиёвуддинов, Дониёр Исмоилов, Жаҳонгир Абдумўминов, Сирож Тошпўлатов, Мирғиёс Сулаймонов, Зоҳид Абдуллаев. “Қизиллар”:Зафар Сафоев, Аброр Тошқўзиев, Достонбек Турсунов, Ҳикмат Ҳошимов, Вусол Магеррамов, Дониёр Одилов, Мурод Тошматов, Аюбхон Нўъмонов, Дилмурод Каримов, Арслон Султонов, Наврўз Алимов. Заҳирадан майдонга тушганлар:Акобир Қаюмов, Тимур Тўйчиев, Зуҳрилло Бобоев, Улуғбек Худоёров, Умид Раҳимов, Зуфаржон Акбаралиев, Арам Маркарян.