Toshkent viloyatining Chirchiq shahrida yangi mavsum tayyorgarligini ko‘rayotgan Bekobodning “Metallurg” jamoasi bugun “Kimyogar” stadionida o‘zaro o‘yin o‘tkazdi.   Asosiy va yoshlar tarkiblarining uyg‘unligi ostida tashkil etilgan uchrashuvda tomonlar murosaga kelishishdi. Birinchi taymda hisob ochilmagan bo‘lsa, ikkinchi bo‘lim avvalida “yashillar” erkin jarima zarbasidan unumli foydalanishdi. “Qizillar” darvozasiga golni 17 yoshli Aram Markaryan kiritdi. Alvon ranglilar esa o‘yin yakuniga yetish arafasida penaltidan hisobni tenglashtirishdi. Jarima zarbasini Dilmurod Karimov bexato amalga oshirdi – 1:1.   O‘zaro o‘yinda “Metallurg” tarkibida ko‘rikdan o‘tayotgan bir qator yangi o‘yinchilar orasida jamoaning sobiq o‘yinchilarini ham ko‘rish mumkin.   Endi “Metallurg” poytaxtda mashg‘ulot o‘tkazayotgan oliy liga vakillari bilan nazorat sinov uchrashuvlarida kuch sinashadi. Dastlabki raqiblar Farg‘ona viloyati jamoalari bo‘ladi. 14 yanvar kuni “Qo‘qon 1912”, 18 yanvarda esa “Neftchi” jamoalari bilan kuch sinashishga kelishib olingan.   Bugun bo‘lib o‘tgan o‘zaro uchrashuvda jamoalar quyidagi tarkiblarda maydonga chiqishdi: “Yashillar”:Suhrob Sultonov, Zohid Raupov, Kamronbek Kopadze, Jasur Ahmedov, Davron Karimqulov, Alisher Ziyovuddinov, Doniyor Ismoilov, Jahongir Abdumo‘minov, Siroj Toshpo‘latov, Mirg‘iyos Sulaymonov, Zohid Abdullayev. “Qizillar”:Zafar Safoyev, Abror Toshqo‘ziyev, Dostonbek Tursunov, Hikmat Hoshimov, Vusol Magerramov, Doniyor Odilov, Murod Toshmatov, Ayubxon No‘’monov, Dilmurod Karimov, Arslon Sultonov, Navro‘z Alimov. Zahiradan maydonga tushganlar:Akobir Qayumov, Timur To‘ychiyev, Zuhrillo Boboyev, Ulug‘bek Xudoyorov, Umid Rahimov, Zufarjon Akbaraliyev, Aram Markaryan.