Эртага Цюрихда ФИФА ташкилотининг навбатдаги конгресси иш бошлайди. Унда ЖЧ-2026 иштирокчилари сонини ошириш масаласи кўриб чиқилади.
Янги форматга кўра, жаҳон чемпионатининг финал босқичида 48та жамоа иштирок этади. Улар 3та жамоадан 16та гуруҳга ажратилади. Гуруҳ босқичида дуранг натижалар бўлмайди. Асосий вақтда ғолиб аниқланмаса, дарҳол пеналтилар сериясига ўтилади. 1 ва 2-ўринни эгаллаган жамоалар плей-офф босқичига йўл олади.
Жаҳон чемпионати иштирокчилари сонининг оширилиши натижасида ФИФА қўшимча 1 млрд доллар даромад олади, деб хабар бермоқда The Times.
Агар янги формат қабул қилинса, ФИФА ОФКга 8,5 та ўрин ажратади.
