Sandalsforgoalposts.com веб-сайти 2016 йилдаги Осиёнинг энг кучли 100 нафар футболчисидан иборат рейтинг тузиб чиқди. Веб-сайт таҳририяти рўйхатнинг иккинчи қисмини эълон қилди. Унда 51-75-ўринларни эгаллаган 25 нафар футболчи жой олган. Эътиборли томони, бу футболчилар орасида 3 нафар ўзбекистонлик ўйинчи бор.

71-ўрин. Александр Лобанов, "Пахтакор", дарвозабон
Рейтингнинг 71-поғонасини Ўзбекистон терма жамоаси посбони Александр Лобанов эгаллаган. У 2016 йил давомида Ўзбекистон терма жамоаси дарвозасини 7та расмий ўйинда қўриқлаб, уларнинг бештасида дарвоза дахлсизлигини сақлаб қолган. Унинг ишлари Эрон чемпионатида ("Персеполис") юришмагач, август ойидан бошлаб "Пахтакор"га қайтди.

57-ўрин. Сардор Рашидов, "Ал-Жаиш", Қатар, ярим ҳимоячи
Сардор Қатар чемпионатида ўзининг илк мавсумини ўтказди. Унинг иштироки ёмон чиқмади, аммо терма жамоа сафида у қадар самарали ўйин намойиш қилмади. Айниқса, узоқ давом этган ёзги таътилдан сўнг у формасини тиклаб олиши қийин кечди. Ўзбек футболчиси янги мавсумда "Ал-Жаиш" таркибида 10та гол уришга муваффақ бўлди. Рашидов "Жаиш" таркибида ОЧЛнинг ярим финал босқичигача етиб борди. Нашр ўтган йилги рейтингда Сардор Рашидовни 22-ўринга қўйганди.

52-ўрин. Виталий Денисов, "Локомотив", Россия, ҳимоячи
Ўзбекистонлик ҳимоячи ўтган йилги рейтингда 80-ўринда қайд этилганди. Бу сафар ҳамюртимиз юқорироққа жойлаштирилди. Виталий Денисов ўз клубида ҳам, Ўзбекистон терма жамоасида муҳим футболчи бўлиб қолмоқда. У чап қанот ҳимоясини эгалласа ҳам, доимо ҳужумга қўшилиб туради.

Эслатиб ўтамиз, Sandalsforgoalposts.com томонидан тузилган рейтингда "Локомотив" ҳужумчиси Темурхўжа Абдухолиқовга 88-ўринни эгаллаганди.