«Манчестер Сити» клуби Англия футбол ассоциацияси томонидан антидопинг қоидаларини бузганликда айбланди.
Гап шундаки, клуб допинг назоратидан ўтиши лозим бўлган футболчиларнинг манзили ҳақида нотўғри маълумот берган. Натижада, антидопинг ташкилоти ходимлари кўрсатилган манзилда футболчиларни топмаган. Бу нарса антидопинг қоидаларини қўпол равишда бузиш деб талқин қилинади. Қоидага кўра, клуб ўз футболчиларининг истиқомат қилаётган манзили ҳақида ҳаққоний ва аниқ маълумотларни тақдим қилиши шарт.
Энди «шаҳарликлар» 19 январгача FA томонидан қўйилган айбловларга жавоб қайтариши лозим.
