«Барселона» бош директори Оскар Грау ҳужумчи Лионель Мессининг шартномасини узайтириш борасидаги вазият ҳақида хабар берди.
«Бу масалага совуққон бош ва соғлом маъни билан ёндашишимиз лозим. Биз бюджетимизнинг 70 фоизидан ортиғини маошга сарфлай олмаймиз. Шунинг учун ҳам иложсиз нарсага қўл урмоқдамиз.
Муаммони ҳал қилишнинг йўли – даромадларни ошириш. Бу бизнинг келажакдаги режамиздир.
Биз энг яхши футболчиларга эга бўлишни истаймиз, аммо танганинг бошқа томони ҳам бор. Биз ўз имкониятларимизни тўғри баҳолашимиз лозим.
«Барселона» дунёнинг энг яхши футболчисини жамоада олиб қолишни истайди. Бу борада мухлисларни хотиржам қилмоқчиман. Бироқ ҳамма нарсада меъёр бўлиши керак» - деди Грау Marca хабарида.
