«Barselona» bosh direktori Oskar Grau hujumchi Lionel Messining shartnomasini uzaytirish borasidagi vaziyat haqida xabar berdi.
«Bu masalaga sovuqqon bosh va sog‘lom ma’ni bilan yondashishimiz lozim. Biz byudjetimizning 70 foizidan ortig‘ini maoshga sarflay olmaymiz. Shuning uchun ham ilojsiz narsaga qo‘l urmoqdamiz.
Muammoni hal qilishning yo‘li – daromadlarni oshirish. Bu bizning kelajakdagi rejamizdir.
Biz eng yaxshi futbolchilarga ega bo‘lishni istaymiz, ammo tanganing boshqa tomoni ham bor. Biz o‘z imkoniyatlarimizni to‘g‘ri baholashimiz lozim.
«Barselona» dunyoning eng yaxshi futbolchisini jamoada olib qolishni istaydi. Bu borada muxlislarni xotirjam qilmoqchiman. Biroq hamma narsada me’yor bo‘lishi kerak» - dedi Grau Marca xabarida.
