"Вест Хэм" бош мураббийи Славен Билич жамоа яримҳимоячиси Димитри Пайетнинг клубдан кетиши мумкинлиги ҳақидаги хабарларга изоҳ берди.
"Биз энг яхши ўйинчиларимизни сотмоқчи эмасмиз, аммо Пайет жамоамизда ўйнагиси келмаяпти.
У клубдан кетишни истамоқда, аммо биз уни қўйиб юбормоқчи эмасмиз. Бу жамоа унга ҳамма нарса берган, ҳар доим қўллаб-қувватлаган. Мени хафа қилишгандай туюляпти, менинг жаҳлим чиққан", - дейди Билич.
Пайет АПЛнинг навбатдаги учрашувида "Кристал Пэлас"га қарши майдонга тушмоқчи эмас, шунингдек, футболчи жамоа машғулотларига ҳам келмай қўйган.
Хабарларга кўра, франциялик яримҳимоячининг "Вест Хэм" билан шартномаси 2021 йилгача амалда бўлади.
