"Барселона" ҳимоячиси Хавьер Маскерано Испания чемпионатида "Лас-Пальмас" устидан қозонилган ғалабадан сўнг (5:0) фикрларини билдирди.
"Месси ва "Барселона" бир-бирига кераклигига шубҳа қилмайман. Ўзаро муносабат жуда яхши, умид қиламанки, Месси бу ерда қолади.
"Атлетик" ва "Лас-Пальмас"ни мағлуб этиб, янада кучлироқ бўлдик ва ғалабалар сериямиз узоқ давом этади деб умид қиламан.
Видаль бахтиёр, биз эса унинг учун хурсандмиз. У асосий таркибдаги ўрни учун узоқ курашди.
Чорак финалда "Реал Сосьедад" билан учрашув қийин бўлади, айниқса, сафардаги ўйин. Бизни қийин ўйинлар кутиб турибди, аммо биз яримфиналга чиқишни хоҳлаймиз", - дейди Маскерано.
