Мавсумлар оралиғида "Навбаҳор" сафига қўшилган футболчилар билан шартнома имзолаш ишлари давом этмоқда.
Тошкентдаги дастлабки йиғин якунига етгач, ҳужумчи Рўзимбой Аҳмедов билан ҳам шартнома имзоланди. Фаолияти давомида “Навбаҳор” шарафини ҳимоя қилишга улгурган ҳужумчи 2017 йилги мавсумни ҳам айнан шу жамоа аъзоси сифатида ўтказадиган бўлди.
Эслатиб ўтамиз, бунга қадар “Навбаҳор” билан Жаҳонгир Меҳмонов, Мирзоҳид Ғофуров, Ғиёс Комилов ҳам шартнома имзолаганди.
Тез орада қолган футболчилар билан ҳам шартномаларни имзоланиши кўзда тутилган. Жамоанинг Тошкентда ташкил этилган машғулотларида қатнашган ярим ҳимоячи Зоҳир Пиримов билан эса хайрлашилди. Бош мураббий Илҳом Мўминжонов Пиримовга жавоб берилганини маълум қилди.
