Уганда парламенти депутатлари терма жамоага Африка миллатлари кубогида иштирок этиши учун ёрдам беришга қарор қилишди.
Уганда футбол федерацияси ҳукуматдан мусобақада иштирок этиш учун 2 млн доллар ёрдам сўраган эди. Шундан сўнг депутатлар ўзаро пул йиғиб, 541 минг доллар маблағни тўплашга муваффақ бўлишди.
«Биз ҳаммамиз келишиб, тахминан 150 доллардан пул йиғдик. Энди чекни терма жамоага топшираман» - деди бу ҳақда парламент спикери Ребекка Кадаго.
Эслатиб ўтамиз, Уганда сўнгги 40 йилда илк маротаба Африка миллатлари кубогида иштирок этмоқда. «Лайлаклар» Гана, Мали ва Миср терма жамоалари билан билан бир гуруҳдан жой олишган.
