Uganda parlamenti deputatlari terma jamoaga Afrika millatlari kubogida ishtirok etishi uchun yordam berishga qaror qilishdi.
Uganda futbol federasiyasi hukumatdan musobaqada ishtirok etish uchun 2 mln dollar yordam so‘ragan edi. Shundan so‘ng deputatlar o‘zaro pul yig‘ib, 541 ming dollar mablag‘ni to‘plashga muvaffaq bo‘lishdi.
«Biz hammamiz kelishib, taxminan 150 dollardan pul yig‘dik. Endi chekni terma jamoaga topshiraman» - dedi bu haqda parlament spikeri Rebekka Kadago.
Eslatib o‘tamiz, Uganda so‘nggi 40 yilda ilk marotaba Afrika millatlari kubogida ishtirok etmoqda. «Laylaklar» Gana, Mali va Misr terma jamoalari bilan bilan bir guruhdan joy olishgan.
