«Манчестер Юнайтед» яримҳимоячиси Поль Погба ҳужумчи Златан Иброҳимович билан яхши жуфтлик ҳосил қилгани ҳақида гапирди.
Жорий мавсумда футболчи Златанга учта голли узатмани амалга оширганди.
«Златанга тўп ошириш имкониятини ҳар доим топаман. У майдонда ҳамма нарсани бажара олади: тўпни назорат қилади, яхши очилади, боши билан яхши ўйнайди, қийин узатмани қабул қилади, ҳужумни якунлайди, баланд бўйли ва кучлидир... Тўпни эгаллаб олгач, дарҳол уни излайман.
Менга Златаннинг ўйини ёқади, унга ҳам менинг ўйиним ёқса керак. Машғулотларда бу нарсаларни ишлатиб кўрмаган бўлсак-да, биз яхши жуфтлик ҳосил қилганмиз» - деди Погба ESPN FC.