"Арсенал" дарвозабони Петр Чех АПЛнинг 21-турида "Суонси Сити" билан учрашувдан сўнг (4:0) фикрларибилан ўртоқлашди.
"Агар кўпроқ гол уриш имкониятингиз бўлса - буни бажаринг. Мавсум охирида ҳар бир гол жуда керак бўлади - жадвалнинг зичлигига қаранг. Шунинг учун ҳисоб 3:0да ҳам, ҳатто 4:0 бўлиб турганда ҳам яна гол уришни истадик.
Икки-уч ўйинни ҳисобга олмаганда, мавсумнинг биринчи қисмини зўр ўтказдик. Ўйин кетидан ўйин ўтказяпмиз, омадсизликларга тўғри муносабатда бўлиш керак. Биз "Эвертон"дан мағлубиятни тўғри хулоса чиқардик ва "Суонси"ни тор-мор қилдик", - дейди Чех.
