ПСЖ яримҳимоячиси Марко Верратти собиқ жамоадоши Златан Иброҳимович ҳақида илиқ сўзларни гапирди.
«Златан барчамизга етакчи бўлишни ўргатди. У қаерга борса ҳам, жамоани яхши ўйнаб кетишига сабабчи бўлади. ПСЖда ўйнаганида 18 ёшли ўсмирдек шуғулланарди. У ҳақиқий етакчи эди. Златан Парижга ғолиблик руҳини олиб келди.
Майдондан ташқарида ҳам у ажойиб инсон бўлган. Парижга келганимда 21 ёшда эдим. Катта пуллардан томим кетиб қолишига сал қолган. Златан ўзимни ушлаб олишимга кўп марта ёрдам берган» - деди Верратти Goal хабарида.
