«Шанхай СИПГ» яримҳимоячиси Оскар Бразилия терма жамоаси таркибида 2022 йили Қатарда бўлиб ўтадиган жаҳон чемпионатида ўйнашига умид билдирди.
«Қатарликлар бундай нуфузли мусобақани ўтказишдан хурсанд бўлсалар керак. Бразилияда ўтган мундиал орқали мамлакат катта тажрибага эга бўлди. Бу ерда ҳам шундай бўлиши мумкин. Қатарда шаҳарларнинг бир-бирига яқин экани зўр ҳолат. Бразилияда эса бир шаҳардан бошқасига 2 соат учиб боришга тўғри келади.
Умид қиламанки, 2022 йилда бу ерга келаман. Миллий терма жамоага қайтиш учун бор кучимни сарфлайман» - деди Оскар.
