Бугун “Насаф”  Анталияда тўртинчи назорат учрашувида майдонга тушди. Бу сафар жамоага Озарбайжоннинг “Сумгаит” клуби рақиблик қилди.

“Сумгаит” жамоаси 2010 йили ташкил этилган бўлиб, 2011 йилдан Озарбайжон премьер лигасида иштирок этиб келмоқда. Жамоага маҳаллий мутахасис - Самир Аббасов мураббийлик қилади.

"Насаф" мураббийлари бугунги учрашувда легионер ўйинчиларни майдонга туширмади. Улар дам олишди ва учрашувни захира ўриндиғида томоша қилишди.  Қуйида бугунги учрашувда майдонга тушган таркиб билан танишинг.

 “Насаф”: Санжар Қувватов (Умид Эргашев 80), Акмал Шораҳмедов, Шерзод Аъзамов, Мақсуд Каримов (с), Фарруҳ Сайфиев (Нажмиддин Нормуродов), Ғолиб Ғайбуллаев, Азизжон Ғаниев (Бахром Абдураҳимов 55), Сирожиддин Қўзиев (Одил Ҳамробеков 46), Ислом Кенжабоев (Шароф Муҳитдинов 70), Бобир Абдухолиқов, Шахбоз Эркинов (Дилшод Хушбаков 80).   

Ўртоқлик учрашуви мақомига эга бўлса ҳам бугунги ўйин курашларга бой бўлди. "Насаф" рақибини 1:0 ҳисобида мағлубиятга учратди. Иккинчи бўлимнинг 70-дақиқасида майдонга тушган Шароф Муҳитдинов, учрашувнинг 76-дақиқасида “Сумгаит” дарвозасини ишғол қилди. Ушбу голга тажрибали ҳужумчи Шаҳбоз Эркинов ассистентлик қилди.

Шундай қилиб, "Насаф" барча ўйинларни 1:0 ҳисобида ўз фойдасига ҳал қилди.

Жамоа навбатдаги назорат учрашувини Украинанинг “Карпати” клубига қарши ўтказади. Учрашув 18 январ куни ўтказилиши режалаштирилган.