Bugun “Nasaf”  Antaliyada to‘rtinchi nazorat uchrashuvida maydonga tushdi. Bu safar jamoaga Ozarbayjonning “Sumgait” klubi raqiblik qildi.

“Sumgait” jamoasi 2010 yili tashkil etilgan bo‘lib, 2011 yildan Ozarbayjon premer ligasida ishtirok etib kelmoqda. Jamoaga mahalliy mutaxasis - Samir Abbasov murabbiylik qiladi.

"Nasaf" murabbiylari bugungi uchrashuvda legioner o‘yinchilarni maydonga tushirmadi. Ular dam olishdi va uchrashuvni zaxira o‘rindig‘ida tomosha qilishdi.  Quyida bugungi uchrashuvda maydonga tushgan tarkib bilan tanishing.

 “Nasaf”: Sanjar Quvvatov (Umid Ergashev 80), Akmal Shorahmedov, Sherzod A’zamov, Maqsud Karimov (s), Farruh Sayfiev (Najmiddin Normurodov), G‘olib G‘aybullaev, Azizjon G‘aniev (Baxrom Abdurahimov 55), Sirojiddin Qo‘ziev (Odil Hamrobekov 46), Islom Kenjaboev (SHarof Muhitdinov 70), Bobir Abduxoliqov, Shaxboz Erkinov (Dilshod Xushbakov 80).   

O‘rtoqlik uchrashuvi maqomiga ega bo‘lsa ham bugungi o‘yin kurashlarga boy bo‘ldi. "Nasaf" raqibini 1:0 hisobida mag‘lubiyatga uchratdi. Ikkinchi bo‘limning 70-daqiqasida maydonga tushgan Sharof Muhitdinov, uchrashuvning 76-daqiqasida “Sumgait” darvozasini ishg‘ol qildi. Ushbu golga tajribali hujumchi Shahboz Erkinov assistentlik qildi.

Shunday qilib, "Nasaf" barcha o‘yinlarni 1:0 hisobida o‘z foydasiga hal qildi.

Jamoa navbatdagi nazorat uchrashuvini Ukrainaning “Karpati” klubiga qarshi o‘tkazadi. Uchrashuv 18 yanvar kuni o‘tkazilishi rejalashtirilgan.