«Ювентус» ҳужумчиси Гонсало Игуаин жамоадошларини танқид ва мақтовларга эътибор қаратмасликка чақирди.
«Жорий мавсумдаги ишлардан кўнглим тўлган. Биз Чемпионлар лигаси плей-оффига, Италия кубоги чоракфиналига чиқдик. Ишларим ҳам жойида, етарлича гол урдим. Айни пайтда янада яхшироқ ўйнаш учун ҳаракат қилмоқдаман.
Биз биринчи ўриндамиз, демак ҳаммасини тўғри қиляпмиз. Футболчиларимиз танқид ва мақтовларга эътибор бермаслиги лозим. Биз қачон хато қилганимизни, қачон тўғри ишлаганимизни тушунмоқдамиз. Шунга мос тарзда ҳаракат қилишимиз шарт" - деди Игуаин La Gazzetta dello Sport хабарида.
