Деярли икки ой мобайнида майдондан ташқарида қолиб кетган Хавьер Пасторе ниҳоят жароҳатидан фориғ бўлиб майдонга қайтиш арафасида турибди.

Янги йил арафасида аргентиналик футболчининг 2017 йилда нималар тилаганини топиш қийин эмас албатта. 2016 йилнинг 19 ноябр куни “Нант”га қарши баҳсда жароҳатидан тикланиб майдонга қайтган Пасторе бу сафар тиззасидан жиддий жароҳат олиб сафдан чиққан эди. Ўша баҳснинг 82-дақиқасида майдонга заҳирадан туширилган эди.

2016 йилда аргентиналик футболчининг боши жароҳатлардан чиқмай қолди. “Ренн”га қарши учрашувдан олдин Унай Эмери уни майдонда тушириш истаги борлигини, аммо футболчи шифокорлар назоратида қолишни истаганини айтиб ўтди.

Пасторе иккинчи Гуркюффми ?

L’Equipe нашрига кўра аргентиналик футболчини Гуркюфф каби айни жароҳатлар тинмай безовта қилмоқда ва бу ҳолат футболчининг ўз маҳоратини тўлиқ намоён этишига тўсқинлик қилмоқда. Жароҳатини тиклаб майдонга қайтишга тайёргарлик кўраётган футболчи Хитойга кетиши ҳақидаги миш-мишларга ҳам ойдинлик киритиб ўтди. Тwиттер орқали ўз мухлисларига қуйидагиларни билдириб ўтди : «Клубдан кетиш ниятим йўқ, «ПСЖ» учун хали кўп нарса қилишим керак».

Клуб учун бу қанча тез бўлса, шунча яхши. 14 феврал куни ўз уйида Чемпионлар Лигасининг нимчорак финалида «Барселона«ни қабул қиладиган парижликларга Пасторе ёрдам бериши мумкин. Аргентиналик футболчи ушбу мавсумда ҳозирча 7 бора майдонга тушган.