Deyarli ikki oy mobaynida maydondan tashqarida qolib ketgan Xavyer Pastore nihoyat jarohatidan forig‘ bo‘lib maydonga qaytish arafasida turibdi.

Yangi yil arafasida argentinalik futbolchining 2017 yilda nimalar tilaganini topish qiyin emas albatta. 2016 yilning 19 noyabr kuni “Nant”ga qarshi bahsda jarohatidan tiklanib maydonga qaytgan Pastore bu safar tizzasidan jiddiy jarohat olib safdan chiqqan edi. O‘sha bahsning 82-daqiqasida maydonga zahiradan tushirilgan edi.

2016 yilda argentinalik futbolchining boshi jarohatlardan chiqmay qoldi. “Renn”ga qarshi uchrashuvdan oldin Unay Emeri uni maydonda tushirish istagi borligini, ammo futbolchi shifokorlar nazoratida qolishni istaganini aytib o‘tdi.

Pastore ikkinchi Gurkyuffmi ?

L’Equipe nashriga ko‘ra argentinalik futbolchini Gurkyuff kabi ayni jarohatlar tinmay bezovta qilmoqda va bu holat futbolchining o‘z mahoratini to‘liq namoyon etishiga to‘sqinlik qilmoqda. Jarohatini tiklab maydonga qaytishga tayyorgarlik ko‘rayotgan futbolchi Xitoyga ketishi haqidagi mish-mishlarga ham oydinlik kiritib o‘tdi. Twitter orqali o‘z muxlislariga quyidagilarni bildirib o‘tdi : «Klubdan ketish niyatim yo‘q, «PSJ» uchun xali ko‘p narsa qilishim kerak».

Klub uchun bu qancha tez bo‘lsa, shuncha yaxshi. 14 fevral kuni o‘z uyida Chempionlar Ligasining nimchorak finalida «Barselona«ni qabul qiladigan parijliklarga Pastore yordam berishi mumkin. Argentinalik futbolchi ushbu mavsumda hozircha 7 bora maydonga tushgan.