«Барселона» ҳужумчиси Лионель Месси клуб билан янги шартнома имзолашдан олдин, ўз талабларини эълон қилди.
Испаниялик обрўли журналист Эдуардо Инда хабарига кўра, агар Луис Энрике ўз лавозимини тарк этса, Месси жамоани «Севилья» устози Хорхе Сампаоли бошқаришини истамоқда.
Айни пайтда Луис Энрике «Барселона» билан шартномасини узайтирмаган ва у 2017 йил ёзида ўз ниҳоясига етади.
Бундан ташқари, Инданинг гапига қараганда, Месси «Барселона» томонидан шартномани узайтириш борасида берилган таклифга жавоб бермаган. Клуб футболчига 30 млн евро маош ва 5 млн евро бонус ваъда қилмоқда.
