«Эвертон» клуби ва Конго ДР терма жамоаси яримҳимоячиси Конго Янник Боласи илк клубида ойлигини овқат кўринишида олган.
Янник Боласи «Ҳиллингтон Боро» клубида ўйнаб юрганида раҳбарият унга маош тўлаш учун пул тополмаган. Бу ҳақда клуб хўжайинларидан бири гапириб берди.
«Мен Боласига ҳафтасига 20 фунт маош бермоқчи эдим. Бироқ ғазнамизда пулнинг камлиги боис, бошқа раҳбарлар бунга қарши чиқишди. Шундан сўнг, унга ҳар бир голи учун бургер беришга қарор қилдим.
Бир ўйинда Боласи 8та гол урди ва 8та бургерни олиб, жамоадошларига тарқатди» - деди «Хиллингтон Боро» бошқаруви раиси Ди Дханд Daily Mirror хабарида.
Жорий мавсумда Янник Боласи 14 ўйинда майдонга тушиб, 1 гол урган.
