«Милан» клубининг афсонавий ҳужумчиси Марко ван Бастен футболчилик фаолиятини эрта якунлаганидан афсусда эканини билдирди.
Уч марта (1988, 1989, 1992) «Олтин тўп» соҳиби бўлган голландиялик оғир жароҳати туфайли 31 ёшида футболни тарк этганди.
«Афсусланадиган ягона нарсам – футболни эрта тарк этганимдир. Бу мени катта совринлардан маҳрум қилди.
Агар футболдан кетмаганимда «Милан» билан яна 3-4 йил дунё чўққисида турган бўлардим. Биз Мессининг «Барселона»си ютуқлари даврини анча ортда қолдирардик.
Дунёнинг энг яхши футболчиси? Бир нарса дейиш қийин. Одамлар Месси, Роналду ва Иброҳимовични тилга олади. Мен эса Белоттини - «янги Вьери»ни кузатмоқдаман» - деди ван Бастен La Gazzetta dello Sport хабарида.
