«Олмалиқ» клуби Туркиядаги машғулотларни режа асосида давом эттирмоқда.
Икки маҳал машғулот билан биргаликда футболчилар тренажер залида жисмоний юкламалар устида иш олиб боришяпти. Шунингдек, уларга қўшимча тарзда назарий дарслар ҳам ўтилмоқда. Бу жараёнда футболчилар махсус программа орқали турли тактик ишланмаларни ўрганишмоқда.
"Акжайик"ка қарши ўйинда жамоа сафида майдонга тушган хорватиялик Йосип Солжичга жавоб бериб юборилди.
«Олмалиқ» навбатдаги ўртоқлик учрашувини 22 январь куни, Новосибирскнинг "Сибирь" клубига қарши ўтказади.
Бу ўйин «Мирейкл» спорт мажмуасида Тошкент вақти билан 19:00да бошланади.
