Япониянинг “Жубило Ивата” жамоаси аъзосига айланган ўзбекистонлик ярим ҳимоячи Фозил Мусаев янги клуб сафида илк машғулотларини ўтказиб, япониялик журналистларга таништирилди.
Таништирув 19 январь, пайшанба куни клуб базасида бўлиб ўтди. Шундай кейин Фозил Мусаев жамоанинг барча футболчилари билан машғулотда иштирок этди.
Эслатиб ўтамиз, 2016 йилги мавсумни Қаршининг “Насаф” клуби сафида ўтказган ярим ҳимоячи Япония клублари сафида тўп сурадиган ўзбекистонлик биринчи футболчи сифатида қайд этилди.
Маълумот учун, “Жубило Ивата” 1972 йилда ташкил этилган бўлиб, Япониянинг энг совриндор жамоалари рўйхатида учинчи ўринни банд этиб турибди. Жамоа уч марта (1997, 1999, 2002) J-Лига, уч бора мамлакат Суперкубоги, икки бора Япония Кубоги, шунингдек, Император Кубоги ғолиби бўлган. 1999 йилда клублар ўртасидаги Осиё чемпионати ғолиби ҳисобланади.
