Австралияда теннис бўйича «Australian Open–2017» мусобақаси давом этмоқда.

Турнирнинг 3-босқичида, дунёнинг 117-ракеткаси, ўзбекистонлик Денис Истомин дунёнинг 31-ракеткаси, испаниялик Пабло Карреньо-Бустани 5 сетда (6:4, 4:6, 6:4, 4:6, 6:2) мағлубиятга учратиб, нимчоракфиналга йўл олганди.

Унинг рақиби, турнирнинг 15-ракеткаси Григор Димитров (Болгария) ва 18-ракеткаси Ришар Гаске (Франция) ўйинида аниқланди. Болгариялик теннисчи рақибини 3 сетда (6:3, 6:2, 6:4) мағлуб этди.

Энди 1/8 финалнинг Димитров (Болгария) – Истомин (Ўзбекистон) баҳси 23 январь куни, эрталаб 5-00да бошланади.