"Манчестер Сити" бош мураббийи АПЛнинг 22-турида "Тоттенҳэм" билан учрашувдан сўнг (2:2) фикрлари билан ўртоқлашди.
"Стерлингга қарши қоида бузилган вазият? Биринчи савол ҳакамлар тўғрсидами? Сизлар ВВС, обрўли канал вакилисизлар, ҳакамлар тўғрисида эмас, футбол ҳақида гапиришингиз керак.
Биз зўр ўйнадик, қойилмақом футбол кўрсатдик, аммо натижа шундай бўлгани ачинарли. Биз кўпроқ вазиятлар яратдик, рақибга кам имконият бердик, аммо ғалаба қозона олмадик. Ўйин бизга қарши бўлди.
"Эвертон" бизга тўрт марта зарба бериб, тўртта гол урган эди. "Тоттенҳэм" икки марта зарба бериб, иккита гол урди. Бунақасини ўйлаб ҳам тополмайсан.
Воқеалар ривожи бундай кечганидан афсусдаман, аммо кўрсатган ўйинимиз билан фахрланаман", - дейди Гвардиола.
