"Челси" бош мураббийи Антонио Конте АПЛнинг 22-турида "Халл Сити"га қарши ўйин олдидан фикрлари билан ўртоқлашди.
"Ҳужум чизиғи борасида бир қарорга келиш қийин, чунки бу жойда 4-5та яхши ўйинсимиз бор. Бизда Азар, Виллиан, Педро, Коста ва Лофтус-Чик бор. Улар жуда яхши формадалар ва менда ҳужум учун турли вариантлар бор. Бундан хурсандман, чунки танлов имкониятим кенг. Жамоа учун тўғри қарорга келиш учун яхши ухламадим. Бу менинг вазифам.
Диего - биз учун муҳим ўйинчи, буни ҳаммамиз яхши биламиз. У яхши формада бўлса, ажойиб ўйин кўрсатади. У жамоада қолишни истайди ва бундан хурсанд. У клубни тарк этиш вариантини жиддий кўриб чиқмади ва клубдаги ишиларидан мамнун. Бу ерда муаммо йўқ.
У биргина ўйинни ўтказиб юборди ва мен унинг жамоага содиқлигига ишонаман ва бизнинг чемпионлик учун курашишимизда бор кучини аямайди", - дейди Конте.