«Бавария» бош мураббийи Карло Анчелотти ФИФА техник тараққиёти директори Марко ван Бастеннинг футболдан офсайд қоидасини олиб ташлаш ҳақидаги таклифига ўз муносабатини билдирди.
«Мен ван Бастен билан гаплашиб олдим ва футболдан офсайд олиб ташланса, у спортнинг буткул бошқа турига айланишини тушунтирдим. Агар улар бошқа спорт турини йўлга қўймоқчи бўлса, бизга шуни айтсин. Офсайд қоидасини ўзгартириш жуда қийин.
Мен янги қоидаларга қарши эмасман, аммо аввал уларни синовдан ўтказиш лозим» - деди мураббий.
