Айни пайтда Россия киберфутбол Федерацияси МДҲнинг энг сара киберфутболчилари иштирокида #ProjectX мусобақасининг 6-мавсумини ўтказмоқда. Ушбу мусобақада “Локомотив” жамоасининг 2 нафар аъзоси иштирок этаётгани диққатга сазовордир.

Турнирда юртимиз шарафини ҳимоя қилаётган Абдусапи Қаюмов (“Abdusapi_Legend_Loko”) ҳамда “Локомотив”нинг украиналик легионер киберфутболчиси Евгений Горбенко (“Loko_Danc1ng_ace”) илк гуруҳ босқичини муваффақиятли якунлашди ва ўз гуруҳларида кучли 8 таликдан ўрин эгаллаб, навбатдаги босқичга йўлланмани қўлга киритишди. Абдусапи Қаюмов ҳам, Евгений Горбенко ҳам 13 тадан учрашув ўтказиб, 21 очкодан жамғаришди.

Энди улар иккинчи босқичда ҳам ўз кучларини синаб кўришади. Киберфутболчиларимизга навбатдаги учрашувларда ҳам омад тилаймиз.