Ayni paytda Rossiya kiberfutbol Federasiyasi MDHning eng sara kiberfutbolchilari ishtirokida #ProjectX musobaqasining 6-mavsumini o‘tkazmoqda. Ushbu musobaqada “Lokomotiv” jamoasining 2 nafar a’zosi ishtirok etayotgani diqqatga sazovordir.
Turnirda yurtimiz sharafini himoya qilayotgan Abdusapi Qayumov (“Abdusapi_Legend_Loko”) hamda “Lokomotiv”ning ukrainalik legioner kiberfutbolchisi Yevgeniy Gorbenko (“Loko_Danc1ng_ace”) ilk guruh bosqichini muvaffaqiyatli yakunlashdi va o‘z guruhlarida kuchli 8 talikdan o‘rin egallab, navbatdagi bosqichga yo‘llanmani qo‘lga kiritishdi. Abdusapi Qayumov ham, Yevgeniy Gorbenko ham 13 tadan uchrashuv o‘tkazib, 21 ochkodan jamg‘arishdi.
Endi ular ikkinchi bosqichda ham o‘z kuchlarini sinab ko‘rishadi. Kiberfutbolchilarimizga navbatdagi uchrashuvlarda ham omad tilaymiz.
