Шанба куни ўтган мавсумда мамлакат суперкубогини қўлга киритган, миллий чемпионатда иккинчи ўринни эгаллаган Бекободнинг «Металлург-W» жамоаси қизларини тақдирлаш маросими бўлиб ўтди.
Бекободлик қизларга кумуш медалларни ҳамда иккинчи даражали дипломларни Ўзбекистон аёллар футболи ассоциациясининг масъул ходимлари Эльмира Ғуломова ҳамда Алишер Файзиев топширишди.
Тадбирда Ўзбекистон металлургия комбинати директори ўринбосари Камолиддин Қўзиев иштирок этди ва “Металлург-W” жамоаси ўйинчилари, мураббийлар штабини 2016 йилги мавсум муваффақиятлари билан самимий табриклади. Шунингдек уларга комбинат томонидан ажратилган қимматбаҳо эсдалик совғаларини топширди.
Ўз навбатида Бекобод шаҳар ҳокимияти хотин-қизлар қўмитаси раиси Шоира Абдураҳмонова ҳам чизиқлар бўйича “Металлург-W” жамоасининг энг кучли деб топилган аъзоларига махсус совғаларни топширди. Тадбир шаҳар ёшлар уйида, тўкин дастурхон атрофида, маҳаллий эстрада хонандаларининг шўх куй-қўшиқлари садоси остида янада файзли ўтди.
