“Севинч” Тошкентнинг “Пахтакор W” жамоасига қарши майдонга тушди. Учрашув жуда қизиқарли бошланди. 5-дақиқада “Севинч” ўз дарвозасидан гол ўтказиб юборди. “Пахтакор W” ўйинчиси Мадина Вохидова ҳимоячиларимиз хатосидан унумли фойдаланиб, Лайло Тилавова қўриқлаётган дарвозани ишғол қилди. Бу голга орадан икки дақиқа ўтиб, ҳужумчимиз Нилуфар Қудратова жавоб қайтарди. Ўйинчиларимиз учрашувнинг биринчи бўлимида яна рақиб дарвозасини уч марта аниқ нишонга олишди ва ҳисобни 4:1 кўринишига олиб келишди. Биринчи бўлимдаги қолган голларга Танзиля Зарбиева (1) ва Малика Бурхоновалар (2) муаллифлик қилишди.
Иккинчи бўлим ҳам курашларга бой тарзда ўтди. Шоира Қултўраева ва Малика Бурхоновалар яна бир мартадан гол уришиб, ҳисобни 6:1га ўзгартиришди. Ўз ўрнида тажрибали футболчиларимиз “Пахтакор W” жамоаси ўйинчиларига гол уриш учун бошқа имкон беришмади. Шундай қилиб, иккинчи учрашувда ҳам ғалаба қўлга киритилди.
Жамоамиз эртага дам олади ва 26 январ куни “ТАТУ” жамоасига қарши майдонга тушади. Учрашув соат 11:00да бошланади.
Қуйида бугунги жамоамиз иштирокидаги ўйин қайдномаси билан танишинг.
Мини футбол бўйича XIII Ўзбекистон чемпионати. Дастлабки босқич, 1-тур
“Пахтакор W” (Тошкент) – “Севинч” (Қарши) 1:6 (1:4)
Тошкент ш., “Ёшлик” спорт аренаси. 24.01.2017 йил
Ҳакамлар: Эдита Миробидова, Людмила Гейгер, Александра Кончикова, Анна Сидорова.
Голлар: Мадина Вохидова, 5’-1:0 – Нилуфар Қудратова (7’-1:1), Танзиля Зарбиева, (13’ 1:2), Малика Бурхонова (15′-1:3, 18’-1:4, 27’-1:6), Шоира Қултўраева (23’-1:5).
“Пахтакор W”: 26.Жибек Мирзабекова, 10.Динара Тагирова, 1.Дилором Туланова, Гулмира Девятова, 19.Зуҳро Муҳаммаджонова, 4.Мирана Косникова, 28.Умида Ҳатамова, 7.Мадина Ҳикматова, 17.Мадина Вохидова, 21.Мадина Турсунова, 8.Розияхон Асқарова, 24.Камола Эркинова, 22.Гулруҳ Хўжаева, 35.Екатерина Носкова.
“Севинч”: 1.Лайло Тилавова, 12.Матлуба Абдирасулова, 8.Камола Рискиева (с), 11.Шахзода Жамолова, 10.Ильвина Аблякимова, 17.Танзиля Зарбиева, 27.Шодия Тошева, 25.Мафтуна Шоимова, 37.Малика Бурхонова, 77.Нилуфар Қудратова, 7.Шоира Қултўраева, 20.Мафтуна Панжиева, 18.Севара Нормуродова, Шахноза Қурбанова.
Бугунги учрашувлар қуйидаги натижалар билан якунланди:
“Юз работ” – “Бахмал” 4:3
“Аланга С” – “ТАТУ” 0:11
“Оқ қўрғон” – “Шўртан Lady” 0:9
Дам олиш: “Қирқ қиз” (Нукус)
Эртага 25 январ куни бўладиган учрашувлар анонси:
“Шўртан Lady” – “Бахмал”
“ТАТУ” – “Юзработ”
“Аланга С” – “Оқ қўрғон”
“Қирқ қиз” – “Пахтакор W”
Дам олиш: “Севинч”
