«Манчестер Юнайтед» клубининг испаниялик дарвозабони Давид Де Хеа Англия лигаси кубогининг яримфиналидан ўрин олган «Ҳалл Сити» клубига қарши жавоб ўйинидан олдин ўз фикрларини айтди.
«Бу жуда муҳим ўйин. Унда ғалаба қозонсак, «Уэмбли»да бўлиб ўтадиган финалга йўл оламиз. Биз яхши ўйин намойиш этиб, ғалаба қозонишимиз шарт. Мен бу мусобақада ғолиб чиқмоқчиман, чунки ҳали Лига кубоги медалига эга эмасман. Уни қўлга киритсам беҳад хурсанд бўламан» - деди футболчи.
Эслатиб ўтамиз, Де Хеа аввал «МЮ» билан Премьер-лига, Англия кубоги ва Суперкубогида ғолиб чиққан.
