БААда мавсумолди йиғинини давом эттираётган «Пахтакор» Россиянинг «Краснодар» клуби билан назорат ўйинини ўтказди.

Учрашувда тажрибалироқ рақиб 2:0 ҳисобида ғалаба қозонди.

Биринчи бўлимда майдонда тенг кураш борди. Сергеевнинг зарбасидан сўнг тўп устундан қайтган бўлса, Смоловнинг уринишини Лобанов бартараф этди. Танаффусдан кейин жамоалар таркибида рўй берган ўзгаришлар рақиб фойдасига ишлади. Бўлим бошларида Окриашвили ва Жигулёв икки тўп киритиб, "Краснодар"нинг муваффақиятини таъминлашди.   25 январь 

Назорат-ўртоқлик ўйини
Краснодар (Россия) – Пахтакор (Тошкент) – 2:0 (0:0)
Голлар: Окриашвили (50), Жигулёв (55)

"Пахтакор": Лобанов, Андреев (Авилов), Тожиев, Булят, Ҳошимов (Алижонов), А.Аҳмедов (Ўрунов), Соҳибов (Исматуллаев), Машарипов (Давлатжонов; Нуруллаев), Искандеров (Толипов), Каримов (Козак; Маҳмудҳожиев), Сергеев (Ҳакимов).