"Манчестер Сити" футболчиси Яҳё Туре Англия кубогида "Кристал Пэлас" устидан қозонилган ғалабадан сўнг (3:0) фикрларини билдирди.
"Бугунги рақибимиз яхши эди, аммо "Тоттенҳэм" билан дурангдан сўнг бугун ғалаба қозонишни мақсад қилган эдик. Ғалабага муносиб бўлдик, биринчи бўлимда мутлақ устунлик қилдик. Иккинчи бўлимда улар бир-икки ҳужум уюштиришди, аммо биз ишимизни охирига етказиб қўйдик.
Умид қиламанки, бу йил бизнинг йилимиз бўлади. Биз иккинчи даврани идеал равишда ўтказишимиз керак. Ҳар бир ўйинда охиригача курашишимиз керак", - дейди Туре.
