"Милан" бош мураббийи Винченцо Монтелла Италия чемпионатининг 22-турида "Удинезе"дан учралган мағлубиятдан сўнг (1:2) фикрлари билан ўртоқлашди.
"Қандай характерга эгалигини ҳисобга олганда бу мағлубиятни осон ҳазм қилиб бўлмайди. Айниқса, рақибнинг иккинчи голини. Бу бутун жамоанинг, жумладан, менинг ҳам айбим эди.
Бу шармандалик, чунки бу вақтгача ўйин тенг кечаётган эди. Биз ҳушёр бўлишимиз керак эди, чунки бу Туриндаги ўйинга ўхшаб кетди.
Янада кўпроқ иш бажаришимиз керак. Йигитларни айблай олмайман. Биринчи даврага қараганда, яхшироқ ўйнай бошладик. Афсуски, бугун мағлуб бўлдик. Ҳозир бизда қийин давр, аммо таслим бўлмаймиз.
Ҳордик чиқариш ва ўйинга қайтиш учун бизга икки кун керак. Якшанбадан ҳаммасини бошидан бошлаймиз", - дейди Монтелла.
