"Манчестер Юнайтед" бош мураббийи Жозе Моуриньо жамоа яримҳимоячиси Эшли Янг клубни тарк этиши мумкинлигини тасдиқлади.
"Ҳозирги трансферлар чоғида сафимиздан кетиши мумкин бўлган ягона ўйинчи - Янг, бу билганларимдан. У биз 31 январгача қарорини кутадиган ягона ўйинчи. Уни сақлаб қолишдан хурсанд бўлардим, аммо у кетишидан хабарим бўлган бирдан-бир футболчи.
Айнан шунинг учун уни майдонга туширмаяпман ва бошқаларга имконият беряпман. У кетадими, йўқми, билмайман. Агар танлаш имкониятим бўлганида уни олиб қолар эдим", - дейди Моуриньо.
Хабарларга кўра, Янгда хитойнинг "Хэбэй Чайна Форчун" клубидан таклиф бор.
