Фарғона майдонларида бўлиб ўтаётган «Ҳоким кубоги»да қатнашаётган «Навбаҳор» ёшлари бугун иккинчи учрашувни ўтказишди.

Бу сафар уларга Андижоннинг «Ўз-Донг-Жу» жамоаси рақиб бўлди.

Биринчи лига вакили билан ўтган ўйинда 3:2 ҳисобидаги ғалаба қўлга киритилди. Учрашувнинг биринчи бўлимида Ҳожиакбар Юнусов ҳисобни очишга эришди. Бурчак зарбаси амалга оширилгандан сўнг, ҳимоячилардан қайтган тўпни Юнусов 17 метрлардан дарвозага йўллади.

Танаффусдан кейин андижонликлар нафақат ҳисобни тенглаштиришди, балки олдинга ҳам ўтиб олишганди. Аммо, бу жиҳат наманганликларни тушкунликка солмади. Аксинча ғалаба сари руҳлантирди. Натижада Исмоил Абдураимов рақиб дарвозасини икки бор нишонга олиб, иродали ғалабани таъминлади.

Учрашувни «Навбаҳор» ёшлари қуйидаги таркибда ўтказишди: Мирзоҳид Маматхонов, Ҳожиакбар Юнусов, Шаҳзод Ҳамидов, Жавоҳир Олимжонов (Шоҳруҳмирзо Аҳмадалиев), Исмоил Абдураимов, Акбарали Холдоров (Искандар Сидиқжанов), Музаффар Абдуллаев (Аббос Ғуломов), Илҳом Алибоев (Абдулазиз Жалилов), Аҳмад Мамадалиев (Иброҳим Исмоилов), Ислом Абдуқодиров, Бобир Тиллабоев (Омонулло Мирзаев).