Farg‘ona maydonlarida bo‘lib o‘tayotgan «Hokim kubogi»da qatnashayotgan «Navbahor» yoshlari bugun ikkinchi uchrashuvni o‘tkazishdi.

Bu safar ularga Andijonning «O‘z-Dong-Ju» jamoasi raqib bo‘ldi.

Birinchi liga vakili bilan o‘tgan o‘yinda 3:2 hisobidagi g‘alaba qo‘lga kiritildi. Uchrashuvning birinchi bo‘limida Hojiakbar Yunusov hisobni ochishga erishdi. Burchak zarbasi amalga oshirilgandan so‘ng, himoyachilardan qaytgan to‘pni Yunusov 17 metrlardan darvozaga yo‘lladi.

Tanaffusdan keyin andijonliklar nafaqat hisobni tenglashtirishdi, balki oldinga ham o‘tib olishgandi. Ammo, bu jihat namanganliklarni tushkunlikka solmadi. Aksincha g‘alaba sari ruhlantirdi. Natijada Ismoil Abduraimov raqib darvozasini ikki bor nishonga olib, irodali g‘alabani ta’minladi.

Uchrashuvni «Navbahor» yoshlari quyidagi tarkibda o‘tkazishdi: Mirzohid Mamatxonov, Hojiakbar Yunusov, Shahzod Hamidov, Javohir Olimjonov (SHohruhmirzo Ahmadaliyev), Ismoil Abduraimov, Akbarali Xoldorov (Iskandar Sidiqjanov), Muzaffar Abdullayev (Abbos G‘ulomov), Ilhom Aliboyev (Abdulaziz Jalilov), Ahmad Mamadaliyev (Ibrohim Ismoilov), Islom Abduqodirov, Bobir Tillaboyev (Omonullo Mirzayev).