"Барселона" бош мураббийи Луис Энрике Испания кубогида "Атлетико" устидан қозонилган ғалабадан сўнг (2:1) фикрлари билан ўртоқлашди.

"Иккита ўйиндан иборат қарама-қаршилик учун яхши ибтидо бўлди. "Висенте Кальдерон"да бизни қийин ўйин кутиб турганини билар эдик.

Биз хавфли вазиятлар яратдик ва улардан унумли фойдаландик. Иккинчи бўлим биринчисига ўхшаш бўлди, аммо "Атлетико" кўпроқ ҳужум уюштирди, биз эса бўш ҳудудлардан фойдалана олмадик.

Рақиб таблодаги ҳисоб туфайли таваккал қилди. Гол ургандан сўнг улар ўйинга қайтишди, бу баҳсда ҳали ҳеч нарса ҳал қилинмади. Биз биринчи бўлимдаёқ ҳаммасини ҳал қилишимиз мумкин эди, аммо "Атлетико" ҳам ҳисобни тенглаштириши мумкин эди.

Ўйиндан сўнг алам ҳисси? Ўз жамоамнинг ўйини ҳақида ҳеч қандай ёмон гап айтмайман. Биз янада яхшироқ ўйнашимиз мумкин эди, аммо бу назария.

Кубок ўйинининг гўзаллиги шундаки, бунда қайси жамоа кўпроқ таваккал қилишини билмайсан. "Атлетико" "Камп Ноу"да ўзининг энг яхши ўйинини кўрсатади. Биз яна ютишга ҳаракат қиламиз", - дейди Луис Энрике.