"Barselona" bosh murabbiyi Luis Enrike Ispaniya kubogida "Atletiko" ustidan qozonilgan g‘alabadan so‘ng (2:1) fikrlari bilan o‘rtoqlashdi.

"Ikkita o‘yindan iborat qarama-qarshilik uchun yaxshi ibtido bo‘ldi. "Visente Kalderon"da bizni qiyin o‘yin kutib turganini bilar edik.

Biz xavfli vaziyatlar yaratdik va ulardan unumli foydalandik. Ikkinchi bo‘lim birinchisiga o‘xshash bo‘ldi, ammo "Atletiko" ko‘proq hujum uyushtirdi, biz esa bo‘sh hududlardan foydalana olmadik.

Raqib tablodagi hisob tufayli tavakkal qildi. Gol urgandan so‘ng ular o‘yinga qaytishdi, bu bahsda hali hech narsa hal qilinmadi. Biz birinchi bo‘limdayoq hammasini hal qilishimiz mumkin edi, ammo "Atletiko" ham hisobni tenglashtirishi mumkin edi.

O‘yindan so‘ng alam hissi? O‘z jamoamning o‘yini haqida hech qanday yomon gap aytmayman. Biz yanada yaxshiroq o‘ynashimiz mumkin edi, ammo bu nazariya.

Kubok o‘yinining go‘zalligi shundaki, bunda qaysi jamoa ko‘proq tavakkal qilishini bilmaysan. "Atletiko" "Kamp Nou"da o‘zining eng yaxshi o‘yinini ko‘rsatadi. Biz yana yutishga harakat qilamiz", - deydi Luis Enrike.