"Атлетико" яримҳимоячиси Габи Фернандес ўз жамоасининг Испания кубоги финалига чиқишига ишонмоқда.
Бунинг учун Диего Симеоне шогирдлари яримфиналнинг жавоб учрашувида "Барселона"ни мағлуб этишлари керак, биринчи ўйинда мадридликлар 1:2 ҳисобида мағлуб бўлдилар. Габи бу учрашувда сариқ карточка олди ва улар сони 3тага етгани сабабли жавоб учрашувида ўйнай олмайди.
"Барселона"га қарши жавоб учрашувини ўтказиб юбораман, аммо финалда ўйнашим мумкин. Албатта, олдимизда қийин вазифа турибди. Аммо жамоам хотиржам ва финалга чиқишига ишонаман", - дейди Габи.