«Барселона» ҳужумчиси Лионель Месси раҳбарият олдига яна бир ҳужумчи сотиб олиш шартини қўйган.
Don Balon хабарига кўра, Месси жамоада ватандоши Пауло Дибала билан бирга тўп суришни истамоқда.
Каталония клуби аргентиналик юлдузни қўлга киритишга қарши эмас ва бу ишда Мессини ишга солиши мумкин. Айнан у 23 ёшли Дибалани Туринни тарк этишга кўндириши керак.
Аммо «блаугранас» учун бир муаммо бор. Клуб молиявий фэйр-плей туфайли, Дибалани фақат Луис Суарес кетган тақдирдагина харид қилиши мумкин. Дибала эса «Ювентус»ни 2017 йил ёзидаёқ тарк этишни истамоқда.
Аввалроқ, Дибала билан «Реал» клуби қизиқаётгани ҳақида хабарлар чиққан эди.
