«Байер» етакчиси Ҳоқон Чалҳанғўли мавсум охиригача майдонга тушмайдиган бўлди.
ФИФА туркиялик яримҳимоячини трансфер қоидаларини бузганликда айбдор деб топди ва 4 ойга дисквалификация қилди. Натижада, футболчи жорий мавсумнинг қолган қисмида жамоасига ёрдам беролмайдиган бўлди.
Қоидабузарлик 2011 йилда юз берган. Футболчи «Карлсруэ» таркибида ўйнаётганида, «Трабзонспор» билан шартнома борасида келишиб олган. Бироқ, бир пайтнинг ўзида немис клуби билан шартномасини узайтириб, мавсум охирида «Гамбург» клубига ўтиб кетган. Натижада, ФИФА уни «Трабзонспор» билан тузилган шартномани бузганликда айбдор деб топди.
