«Реал» клуби ёзда катта қайта қуришни амалга оширишни режалаштирмоқда.
Mundo Deportivo хабарига кўра, Қироллик клуби Кейлор Навасга жавоб бериб, унинг ўрнига Давид Де Хеа ёки Тибо Куртуа билан шартнома имзолайди. Бундан ташқари, Пепе ўрнига «Айнтрахт» таркибида ижарада ўйнаётган Хесус Вальехо жалб қилинади.
Иско ва Хамес бошқа клубларга сотилади. Уларнинг ўрнини «Алавес» футболчиси Маркос Льоренте ва «Тоттенҳэм» яримҳимоячиси Деле Алли эгаллайди.
Энг асосийси, Карим Бензема ҳам жамоани тарк этиб, унинг ўрнини ё Пауло Дибала, ёки «Порту» ҳужумчиси Андр Силва тўлдиради.
