"Челси" бош мураббийи Антонио Конте "Манчестер Сити"даги ҳамкасби Хосеп Гвардиоланинг сўзларига изоҳ берди.

Испаниялик мутахассис жамоасининг "Вест Ҳэм" устидан қозонган ғалабасидан сўнг "Челси"нинг бу мавсумда Англия чемпиони бўла олмаслигини айтган эди.

"Бу одатий нарсалар. Ҳар бир мураббий ўз шогирдларини сергаклантиришга ва рақибларига босим ўтказишга уринади. Мавсум бошида Гвардиоланинг жамоасида 7 очко ортда қолганимизни эслайман. Ҳозир ҳаммаси бошқача, Хосепга футболда ҳамма нарса тез ўзгаришини ва ҳозирги 10 очколик фарқ ҳеч нарсани англатмаслигини айтмоқчиман.

Шунингдек, чемпионлик кураши ҳал бўлган деб ўйлаётганларга ҳам қўшиламан. Мен чемпионлик нима эканлигини биламан. Ҳамма нарса бўлиши мумкин. Мавсумнинг бу қисмида жуда ҳам эътиборли бўлиш керак. "Челси"нинг олдида 15та қийин учрашув турибди, ортимиздан жуда кучли жамоалар таъқиб қиляпти", - дейди Конте.