«Наполи» дарвозабони Пепе Рейна Италия чемпионатининг 23-туридан ўрин олган «Болонья» (7:1) клубига қарши ўйиндан сўнг ўз фикрлари билан ўртоқлашди.

«Бу ғалабадан жуда хурсандман. «Болонья» муносиб рақиб эди. Биз уч очко билан уйга қайтмоқдамиз.

Энди «Реал»га қарши ўйинга тайёрмиз. Мадридликлар бизга етарлича қийинчилик туғдириши мумкин. Аммо биз ҳам ўз ўйинимизни намойиш этамиз. Ҳужумкор ўйнасак, испаниядан ижобий натижа билан қайтишимиз мумкин бўлади» - деди Рейна Tmw хабарида.

Чемпионлар лигасидан ўрин олган «Реал» - «Наполи» ўйини 15 февраль куни ўтказилади.